नेपाली बजारमा आइतबार सुनचाँदी दुवैको मूल्य ह्वातै घटेको छ । गत हप्ताको शुक्रवारको तुलनामा आइतबार अधिकतम १५ सय रुपैयाँले घट्दै सुन प्रतितोला ९० हजार रुपैयाँमा झरेको हो ।
यस्तै तेजाबी सुनको मूल्य भने तोलामा एक हजार ४५० रुपैयाँले सस्तो भएको छ । शुक्रवार प्रतितोलामा ९१ हजार रुपैयाँमा कारोबार भएको तेजाबी सुनको आजको कारोबार मूल्य ८९ हजार ५५० रुपैयाँ कायम भएको छ ।
चाँदीको मूल्य भने तोलामा २५ रुपैयाँले सस्तो बनेर प्रतितोला एक हजार दुई सय ४० रुपैयाँमा कारोबार भइरहेको छ । शुक्रवार एक हजार २६५ रुपैयाँ चाँदीको कारोबार भएको थियो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
