बुटवलमा एक युवतीको अन्तरजातीय विवाह गरेकै कारण श्रीमानको यातनापछि आ’त्मह’त्या गर्न बाध्य भएको भन्दै इलाका प्रहरी कार्यालय बुटवलमा उजुरी परेको छ । बुटवल ६ पूरानो बसपार्कमा कोठा भाडामा बस्दै आएकी अर्घाखाँची शितगंगाकी – २ की २१ वर्षीय सृजना सुनारले आत्महत्या गर्न बाध्य पारिएको भन्दै प्रहरीमा उजुरी परेको हो । सुनारका माइती पक्षले प्रहरीमा उजुरी दिएका हुन् ।
बिहीबार बुटवल ६ पुरानो बसपार्क सौभाग्यनगरस्थित कोठामा चुन्नीको पासो लगाएर झुन्डिएको अवस्थामा शव भेटिएको इलाका प्रहरी कार्यालय बुटवलले जनाएको छ । कु’ट’पिट गर्ने, मानसिक र शारीरिक रूपमा यातना दिने गरेको सुुसाईड नोटमा लेखिएको इलाका प्रहरी कार्यालय बुटवलका प्रहरी नायव उपरीक्षक मदन कुँवरले बताए ।
सुसाईड नाेटमा श्रीमान् शितगंगा २ जिमाने टोलका २३ वर्षीय सुमन क्षेत्रीले चरम यातना दिइएकै कारण आ’त्मह’त्या गर्न बाध्य भएको उल्लेख छ । प्रेम सम्बन्ध कायम भएकै बेला गत वर्ष सृजना गर्भवती भएकी थिइन । विवाह नहुँदै गर्भ बसेपछि सुमनलाई विवाहका लागि अनुरोध गरे पनि नमानेको र पछि प्रहरीमा उजुरी परेपछि मात्रै विवाह भएको थियो ।
सृजनाका दिदी रुपन्देही कञ्चन गाउँपालिका वडा नं. १ कुचिरामा बस्ने दीपा सुनारले २३ वर्षीय सुमन क्षेत्री विरुद्ध जातीय भेदभाव तथा आत्महत्या दुरुत्साहनको उजुरी दिएकी छन् । ‘शुक्रवार उजुरी दर्ता गरेपछि श’व पोस्टमार्टम पछि राति मात्रै अन्त्येष्टि गरिएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
