नेपाल क्रिकेट संघ (क्यान) ले गत साता अन्तर्राष्ट्रिय क्रिकेटबाट सन्यासको घोषणा गरेका पूर्वकप्तान पारस खड्काले लगाउने ७७ नम्बरको जर्सी सम्मानस्वरूप तत्काल प्रयोगमा नगर्ने भएको छ ।
दुई वर्षअघि कप्तानबाट राजीनामा दिएका पारसले केही दिनअघि क्रिकेटबाट सन्यासको घोषणा गरेका थिए ।
पारसले नेपाली क्रिकेटलाई पुर्याएको योगदानको कदर गर्दै क्यानले उनले लगाउने गरेको ७७ नम्बरको जर्सी प्रयोग नगर्ने बताएको हो । ७७ नम्बरको जर्सीमा मैदान उत्रने खड्काले संन्यासपछि क्यानको व्यवस्थापनमा आउने इच्छा देखाएका छन्।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
