सैघाली खबर,
घोराही, २ फागुन। प्रतिवन्धित वन्यजन्तु ओसारपसार गर्दै गरेको अवस्थामा दाङमा रेडपान्डाको छालासहीत दुई जनालाई दाङ प्रहरीले पक्राउ गरेको इलाका प्रहरी कार्यालय तुलसिपुरले जनाएको छ ।
पाँच नम्बर प्रदेश अन्तरगतको अनुसन्धान ब्युरोले इप्रका तुलसिपुरसंग समन्वय गरेर तुलसिपुरको वेलुवावाट रेडपान्डाको छालासहीत दुई जनालाई पक्राउ गरेको इलाका प्रहरी कार्यालय तुलसिपुरले जनाएको छ। प्रहरीको अनुसन्धान ब्युरोले गोप्य सुचनाको आधारमा घरमा लुकिछिपि बसेको अवस्थामा छापा हान्दा उनिहरु पक्राउ गरेका हो। छालासहीत पक्राउ पर्नेमा त्रिवेणि गाँउपालिका ३ सल्यानका वर्ष ३६ का टोपबहादुर वलि, कपुरकोट गाँउपालिका वडा नम्बर ६ का वर्ष ५१ का रुपलाल वोहरा रहेको डिएससि प्रकाश सापकोटाले जानकारी दिनु भयो ।
सापकोटाका अनुसार पक्राउ परेको छालासहीत दुई जनालाई प्रतिवन्धित वन्यजन्तु ओसारपसार ऐन अनुसार कारवाही गर्न जिल्ला वन कार्यालय दाङमा बुझाइने छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
