काठमाडौँ । काँग्रेस नेता मोहम्मद अफताब आलमको मुद्दाको सुनुवाइ आज नहुने भएको छ । न्यायाधीश प्रकाशमान सिंह राउत र कुमार रेग्मीको इजलासमा रहेको आलमको मुद्दामा ‘हेर्न नमिल्ने’ आदेश गरिएको छ ।
२७ चैत २०६४ मा रौतहटमा बम विस्फोट गराएको र इँटा भट्टामा राखेर मजदुरहरूलाई जिउँदै जलाएको अभियोगमा पूर्व मन्त्री आलम हाल थुनामा रहेका छन् ।
मृतकका परिवारको जाहेरीपछि तत्कालीन केपी ओली सरकारको पालामा उनी विरुद्धको मुद्दा अघि बढेको थियो । साक्षी र प्रमाणका आधारमा आलममाथिको अभियोग पुष्टि हुने देखिएको भन्दै जिल्ला र उच्च अदालतले उनलाई पुर्पक्षका लागि थुनामा पठाउने आदेश दिएका थियो । सो आदेशका विरुद्धमा उनी सर्वोच्चमा पुगेका हुन् । अहिले आलम सांसद पदबाट निलम्बित छन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
