भन्सार कार्यालय परिसरको पार्किङमा रहेको गाडीमा आगलागी 

भैरहवा भन्सार कार्यालय परिसरमा रहेको एक ट्रकमा आगलागी भएको छ । कार्यालय परिसरमा भन्सार पास भई रोकिरहेको यु पी १३ विपी ९०८६ नम्बरको ट्रकमा बिहान करिब ८ बजे एक्कासि आगलागी भएको हो । भारतबाट केमिकल लिएर आएको ट्रकमा के कति कारणले आगो लाग्यो भन्ने खुलेको छैन । 

ट्रक भित्र चालक सुतिरहेको अवस्थामा धुवा देखिएकोले बाहिर निस्केपछि मानवीय क्षति नभए पनि ट्रक र सामान पूर्ण रूपले नष्ट भएको भैरहवा भन्सार कार्यालयका सूचना अधिकारी तीर्थराज पासवानले बताए ।

गेट बन्द भएपछि भन्सार पास भएकोले उक्त ट्रक बाहिर जान नपाएर निकास गेटको अगाडि पार्किङमा रहेको थियो । आगलागी भएको केही बेरमै सिद्धार्थनगर नगरपालिकाको दमकलले आगो नियन्त्रणमा लिएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।