चितवन। भरतपुर विमानस्थलको भिआइपी कक्षमा आगलागी भएको छ। शनिवार बिहान पौने ७ बजे आगलागी भएको हो। आगलागी भएको थाहा पाएको १० मिनेटभित्र आगो नियन्त्रणमा लिइएको विमानस्थल प्रहरीले जनाएको छ।
आगलागी हुँदा सवा एक घण्टा उडान तथा अवतरण सेवा अवरुद्ध भएको थियो। विद्युत् चुहावट भएर आगलागी भएको प्रहरी नायव निरीक्षक लालबहादुर घलानले जानकारी दिए।
आगलागीबाट भिआइपी कक्षका सोफा, कार्पेट, टेबुल, एसी, पर्दालगायत सामग्री जलेर नष्ट भएको घलानले बताए।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
