बर्दिया । बर्दियामा एउटै टोलका तीन किशोरी बेपत्ता भएका छन् । ठाकुर बाबा नगरपालिका वडा नम्बर ९ बेतहनी टोलका तीन किशोरी हिजो बिहानदेखि सम्पर्क विहीन भएका हुन् ।
तीनै जना १६ वर्षका रहेका छन् । हिजो बिहानदेखि सम्पर्कविहीन भएको भन्दै किशोरीका आफन्तले प्रहरीमा निवेदन दिएका छन् । बेपत्ता हुनेमा सावित्री बराइली,यमुना परिवार र अनिता पुन मगर रहेका छन् ।
मोबाइल ट्याक गर्दा भारतको सिमाना नजिक लोकेसन देखिएको बर्दिया प्रहरीले जनाएको छ । तर उनीहरू कसरी बेपत्ता भए भन्नेबारेमा अझै नखुलेको प्रहरीले जनाएको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
