रोल्पा । रोल्पामा भएको एम्बुलेन्स दुर्घटनामा १ जनाको मृत्यु भएको छ ।
माडी गाउँपालिका वडा नं. २ मा बिहान साढे ३ बजेतिर स्मृति अस्पताल प्रा.लिको एम्बुलेन्स दुर्घटना हुँदा चालकको मृत्यु भएको हो ।
चालक रोल्पा कोर्चवाङका ३७ वर्षका ओमप्रकाश पुनको मृत्यु भएको रहेको इलाका प्रहरी कार्यालय घर्ती गाउँले जनाएको छ ।
भैरहवाबाट कोर्चवाङ शब पुराएर फर्कने बेला शहीद मार्ग सडक खण्डको माडी-२ खोलबाङमा दुर्घटना भएको हो । दुर्घटनामा एक जना घाइते भएका छन् । एम्बुलेन्स सडकबाट झन्डै ६ सय मिटर तल खसेको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
