पूर्व मन्त्री हृदयेश त्रिपाठी ५ गते शनिवार कपिलवस्तु आउँदै

कपिलवस्तु, भाद्र १ नेपाल सरकारका पूर्व मन्त्री तथा स्वतन्त्र राजनीतिक समूहका संयोजक समेत रहेका हृदयेश त्रिपाठी यही भाद्र ५ गते शनिवारका दिन कपिलवस्तु आउने भएका छन् । कपिलवस्तु जिल्लाको महाराजगन्ज नगरपालिका वडा नं ७ सतभरको समय माता पूरक मन्दिरको धर्मशालामा कार्यकर्ता भेटघाट गर्ने प्रमुख उद्देश्यका साथ कपिलवस्तु भ्रमणमा आउने भएका छन् ।

कपिलवस्तु जिल्लामा स्वतन्त्र राजनीतिक समूहको सङ्गठन विस्तार र कार्यकर्ताको सुझाव सल्लाह सङ्कलन गरी समूहलाई थप मजबुत बनाई अगाडि बढ्ने कुरा स्वतन्त्र राजनीतिक समूहका सदस्य पूर्व मन्त्री ईश्वर दयाल मिश्र(वीरेन्द्र मिश्र) ले जानकारी दिएका छन् ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।