काठमाडौँ । गायन रियालिटी सो नेपाल आइडल’ले चौथो सिजनका लागि निर्णायकमा परिवर्तन गरेको छ । नयाँ निर्णायकमा शम्भुजित बाँस्कोटा, सुगम पोखरेल र शिवानी मोक्तान चयन भएका छन् ।
निर्णायकमा चुनिएपछि वरिष्ठ सङ्गीतकार एवम् गायक शम्भुजित बास्कोटाले नेपाल आइडलमा आउँछु भन्ने आशा गरेको र पूरा भएको बताए । नेपाल आइडल परिवारको सदस्य हुन पाएकोमा उनले खुसी जनाए । गायक पोखरेल र गायिका मोक्तानले पनि नेपाल आइडलसँग सहकार्य गर्न पाउँदा आफू खुसी भएको बताए ।
ढिलै भए पनि नेपाल आइडलमा जोडिन पाउँदा धेरै खुसी लागेको कलाकारहरूले बताएका छन् । नेपाल आइडल सिजन ४ मा तीन जना निर्णायकसहित टिकटक स्टार तथा मोडेल रेस्मा घिमिरे पनि जोडिएकी छन् ।
अघिल्ला तीन सिजनसम्म न्यूह बज्राचार्य, कालीप्रसाद बाँस्कोटा र इन्दिरा जोशी अर्कै रियालिटी शोमा आबद्ध भएपछि व्यवस्थापन समितिले सिजन–४ का लागि नयाँ निर्णायक टिम चयन गरेको हो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
