दाङ । सँकास्पद सुकुटी सहित दाङ प्रहरीले २ जनालाई पक्राउ गरेको छ ।
राजपुरको पटौली नाकाबाट जँगली जनावरको जस्तो देखिने सुकुटी ल्याउँदै गरेका हेमराज गिरी र दामोदर योगी पक्राउ परेका हुन् । उनिहरुलाई राजपुर गाउँपालिका वडा नम्बर १ माररी खोलाबाट नियन्त्रणमा लिईएको प्रहरीले बताएको छ ।
प्रहरीका अनुसार पक्राउ परेका गिरी, योगी र सुकुटीलाई आवश्यक अनुसन्धानका लागि डिभिजन वन कार्यालय देउखुरीमा बुझाउने ईलाका प्रहरी कार्यालय गढवाका प्रहरी प्रमुख राजकुमार भट्टले जानकारी दिए । अहिले उनिहरु गढवा प्रहरीको नियन्त्रणमा छन् । प्रहरीले नियन्त्रणमा लिएको सुकुटी जंगली जनावरको हो या होइन भन्ने कुरा परिक्षण पछि मात्र पत्ता लाग्ने बताईएको छ ।
पक्राउ गरिएको सुकुटी अन्दाजी १२ किलो रहेको प्रहरीको भनाई छ । पक्राउ परेका हेमराज गिरी बाल बिसौनी प्राथमिक विद्यालय पटौली नाकाका विद्यालय ब्यवस्थापन समितीका अध्यक्ष समेत हुन् ।
नाका क्षेत्रबाट जँगली जनावरका सुकुटीहरु दैनिकजसो निकासी भईरहेका हुन्छन ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
