एजेन्सी । तमिल फिल्म कंचना ३ मा देखिएकी २४ वर्षीय रुसी नायिका एलेजान्द्रा जाभीको मृत्यु भएको छ । शुक्रवार एलेजान्द्रा गोवामा आफ्नो भाडाको फ्ल्याटमा झुण्डिएको अवस्थामा भेटिइन् । उनी उत्तरी गोवाको सियोलिम गाउँमा बस्थिन् । एलेजान्द्राका प्रेमी पनि उनीसँग अपार्टमेन्टमा बस्दथे र घटनाका बेला उनी बाहिर गएका थिए ।
हाल गोवा प्रहरी पोस्टमार्टमका लागि रसियाली कन्सुलेटको प्रतीक्षा गरिरहेको छ । एक वरिष्ठ प्रहरी अधिकारीले एलेजान्द्राको शवलाई शव गृहमा राखिएको बताए । उनका अनुसार उनीहरू एलेजान्द्राको शवको पोस्टमार्टमका लागि रसियन कन्सुलेटद्वारा नो अब्जेक्सन सर्टिफिकेटको प्रतीक्षा गरिरहेका छन् । अर्कोतर्फ प्रहरीले पनि यसबारे अनुसन्धान सुरु गरेको छ । एलेजान्द्राका प्रेमीले आफ्नो बयान दिइसकेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
