काठमाडौँ । लकडाउनको मोडालिटी परिवर्तन भएसँगै नेपालमा पुनः दैनिक कोरोना सङ्क्रमितको सङ्ख्या तीव्र रूपमा बढ्न थालेको छ । मुलुकभर पछिल्लो २४ घण्टामा २ हजार ४८२ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार देशभरका प्रयोगशालामा गर्दा १५ हजार २९० जनाको पिसिआर र एन्टीजेन परीक्षण गर्दा २ हजार ४८२ जना सङ्क्रमित पुष्टि भएका हुन् ।
स्वास्थ्य मन्त्रालयका अनुसार ९ हजार ७११ ज्नाको पिसिआर परीक्षण गर्दा १ हजार ८६२ जना र ५ हजार ५७९ जनाको एन्टीजेन परीक्षण गर्दा ६२० जनामा सङ्क्रमण पुष्टि भएको हो ।
पछिल्लो २४ घण्टामा देशभर ४४ जना सङ्क्रमितको मृत्यु भएको छ। हालसम्म १० हजार ६१२ जना सङ्क्रमितको मृत्यु भएको छ । २४ घण्टामा देशभर १ हजार ७८१ जना सङ्क्रमित निको भएका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
