शनिवार बिहान अर्घाखाँचीको शितगंगा नगरपालिका– ३ बर बोटमा हाइस दुर्घटना हुँदा एक जनाको मृत्यु भएको छ । भने ११ जना घाइते भएका छन् ।
मृत्यु हुनेमा भूमिका स्थान नगरपालिका–९ का अन्दाजी ३२ वर्षीय सञ्जय बिक छन् ।
काठमाडौँबाट अर्घाखाँची आउँदै गरेको बा ३ ख ८६३९ नम्बरको हाइस शितगंगा–३ को बर बोटमा दुर्घटना हुँदा भएको हो ।
अर्घाखाँचीका जिल्ला प्रहरी प्रमुख डिएसपी अम्मर थापा क्षेत्रीका अनुसार हाइस सडकबाट करिब सय मिटर तल खसेर दुर्घटना भएको हो ।
प्रहरीका अनुसार घाइतेमध्ये दुई जनाको अवस्था गम्भीर छ । गम्भीर घाइते २ जना र अन्य ३ जना गरी ५ जनालाई उपचारका लागि बुटवल पठाइएको छ ।
अन्य ६ जनाको अवस्था सामान्य रहेको छ । घटनास्थलमा ठाडा इलाका प्रहरी कार्यालयको टोली पुगेको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
