काठमाडौँ । कोभिडका कारण प्रदेशमा काम गर्दै आएका युवाहरूले चाड पर्व मनाउनको लागि फर्कन नपाउँदाको पीडा समेटेर तयार पारिएको गीत ‘आइन पियारी’को म्युजिक भिडियो सार्वजनिक भएको छ।
कुशल विश्वकर्मा र विष्णु परियारको युगल गायन गीतमा सुन्न सकिन्छ । गीतमा पृथलाल विकको शब्द सङ्गीत रहेको छ। कृष्ण पाण्डेले छायाङ्कन गरेको भिडियोलाई जीवन सेन्चुरीले सम्पादन गरेका हुन्। म्युजिक भिडियोमा दिलीप रेग्मी, शिल्पा कार्की र सुशील महतको अभिनय रहेको छ। दिलीप रेग्मीले निर्देशन गरेको भिडियोलाई ‘पृथलाल बिक’को आधिकारिक युट्युब च्यानल मार्फत सार्वजनिक गरिएको हो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
