कपिलवस्तु । कपिलवस्तुको अजिगरा- करमा तालको प्रदेश योजना आयोग द्वारा निरीक्षण गरिएको छ। जिल्लाको कृष्णनगर नगरपालिका वार्ड नं. ६ र ७ मा पर्ने अजिगरा – करमा तालको योजना आयोगका उपाध्यक्ष बामदेव क्षेत्री सहितको टोलीले बुधवार निरीक्षण गरिएको हो ।
तालको बारेमा अनुसन्धान गरी यसको संरक्षणका लागि प्रदेश सरकारबाट पहल गर्ने योजना आयोगका उपाध्यक्ष बामदेव क्षेत्रीले बताउनु भएको छ । निरीक्षणको क्रममा योजना आयोग का सदस्य शिव पूजन यादवले ताललाई पर्यटन स्थलको रूपमा विकास गर्ने बताउनुभयो ।
तालको संरक्षण नभएकोले जर्जर बनेको जसपाका वरिष्ठ नेता रामबरन यादवले बताउनुभयो । नेपालका अन्य तालमा नपाइने जङ्गली धान(तिन्नी) को प्रकृति उपज स्थलका साथै विभिन्न विदेशी चराहरूको प्रजनन स्थल भएकोले यसको संरक्षण गर्नु अति आवश्यक देखिएको नेता यादवले बताए । सो ताल करिब २५ बिगहा क्षेत्रफल रहेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
