काठमाडौँ। भारतको उत्तर प्रदेशको लखीमपुर खिरीमा भएको हिंसाका मुख्या आ’रोपित केन्द्रीय गृह राज्यमन्त्रीका छोरा आशिष् मिश्रा प’क्राउ परेका छन् ।
गत साता उत्तर प्रदेशको लखिमपुर खिरीको तिकुनियामा मिश्राको गाडीको ठक्करबाट चार जनाको मृत्यु भएको पुष्टि भएपछि भारतीय प्रहरीले उनलाई पक्राउ गरी अनुसन्धान अघि बढाएको हो ।
१२ घन्टा लामो सोधपुछपछि उनलाई पक्राउ गरिएको डीआईजी उपेन्द्र अग्रवालले बताएको भारतीय सञ्चारमाध्यमले उल्लेख गरेका छन् । उनीविरुद्ध सोमबार अदालतमा सुनुवाइ हुनेछ ।
किसान नेता राकेश टिकैतले घटना लगत्तै मिश्रालाइ प’क्राउ गर्न दबाब दिँदै आएका थिए । किसानहरूले चार वटा माग राखेर आन्दोलन जारी राखेकै बेला सो घटना भएको हो ।
भारतमा केन्द्र सरकारले ल्याएका कृषि सम्बन्धी तीन नयाँ कानुनको विरोधमा गत वर्षदेखि नै आन्दोलन हुँदै आएको छ । पन्जाब, हरियाण, राजस्थान, महाराष्ट्र, गुजरातसहितका राज्यका किसानहरू आन्दोलनमा सहभागी भएका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।