जनकपुरधाम । जनता समाजवादी पार्टी नेपाल (जसपा) प्रदेश २ का अध्यक्ष विजय यादवले अध्यक्ष पदबाट राजीनामा दिएका छन् ।
जसपा प्रदेश २ को जनकपुरधाममा समायोजनका लागि बैठक चल्दै गर्दा यादवले पदबाट राजीनामा दिएका हुन । प्रदेश २ का कृषि मन्त्री समेत रहेका यादवले अध्यक्ष पदका लागि विवाद भइरहँदा उनले अध्यक्ष पदबाट राजीनामा दिएको स्रोतको भनाई रहेको छ ।
त्यसैगरि जसपाका प्रदेश २ का मुख्यसचिव शम्भु झाले समेत आफ्नो पदबाट राजीनामा दिएका छन् । उनले समाजीक सञ्जाल मार्फत लेख्दै पार्टीको साधारण सदस्यताबाट समेत राजीनामा दिएको बत्ताएका छन् ।
प्रादेशिक समितिका लागि समायोजन बैठक जनकपुरधाममा चलिरहेको छ भने बैठकमा पार्टीका राष्ट्रिय अध्यक्ष उपेन्द्र यादवको पनि उपस्थिति रहेको छ ।