काठमाडौँ । साफ च्याम्पियनसीपमा उपविजेता बनेको नेपाली राष्ट्रिय फुटबल टोलीका सदस्यहरू स्वदेश फर्किएका छन् । माल्दिभ्समा आयोजना भएको प्रतियोगिताको फाइनलमा नेपाली टोली भारतसँग ३–० ले पराजित भएको थियो ।
खेलाडीहरूलाई युवा तथा खेलकुदमन्त्री महेश्वर गहतराज विमानस्थलमै पुगेर स्वागत गरेका थिए । खेलाडीहरूलाई बाजागाजासहित भव्य स्वागत गरिएको थियो ।
नेपाल साफ फुटबल इतिहासमा पहिलो पटक फाइनल पुगेको थियो । उपाधि भिडन्तमा भने भारतसँग ३–० ले पराजित हुँदै उपविजेतामा सीमित भएको थियो ।
नेपाली टोलीमा रहेका खेलाडी रोहित चन्द र प्रमुख प्रशिक्षक अब्दुल्लाह अलमुताइरी भने नेपाल आएका छैनन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
