सुर्खेत। कर्णाली प्रदेशमा बुधवार सार्वजनिक बिदा हुने भएको छ। असोज शुक्ल पूर्णिमाको अवसरमा कर्णाली प्रदेश सरकारले बिदा दिएको हो।
बुधवार प्रदेशस्थित सबै सरकारी तथा सार्वजनिक कार्यालय, शैक्षिक संस्था र बैङ्क तथा वित्तीय संस्था बन्द रहने आन्तरिक मामिला तथा कानुन मन्त्रालयका अधिकृत रोशनबहादुर शाहीले जानकारी दिए ।
कात्तिक ३ गते दसैँको अन्तिम दिन अर्थात् कोजाग्रत पूर्णिमा पनि हो। कोजाग्रत पूर्णिमाका दिन कर्णाली प्रदेशका विभिन्न धार्मिक तथा पर्यटकीय स्थलहरूमा मेला लाग्ने गर्दछ ।