काठमाडौं । गायिका पासाङ ल्हामु शेर्पाको डेब्यु म्युजिक ‘टारी खेत’ डिजिटल बजारमा सार्वजनिक भएको छ। शिक्षण पेशा संगै गायनमा सक्रिय गायिका शेर्पाले लोकप्रिय गायक राजेश पायल राई सँगको सहकार्यमा उक्त म्युजिक भिडियो सार्वजनिक गरेकी हुन्।
शान्तिराम राईको शब्द, सङ्गीत रहेको यस गीतलाई आगा लामाले सङ्गीत संयोजन गरेका हुन्। पुष्प खड्का र एलिशा राई बीचको अन्स्क्रिन प्रेम र रोमान्सले भरिपूर्ण म्युजिक भिडियोमा सुरेश कोहली,आरोही चापागाई,प्रताब मगर,कुसुम केसीको समेत अभिनय रहेको छ।
भिडियोमा शम्भु चालिसेको छायाङ्कन र राजेश कुमारको सम्पादन रहेको छ। शिव विकको निर्देशनमा भिडियो तयार पारिएको हो। ओएसआर डिजिटलको युट्युब च्यानल मार्फत भिडियो सार्वजनिक भएको हो।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।