काठमाडौं । मंगलबार नेपाली बजारमा सुनको मूल्य २ सयले बढेको छ । मंगलबार छापावाल सुनको मूल्य प्रतितोला ९२ हजार ६ सय रुपैयाँमाकायम भएको नेपाल सुनचाँदी व्यवसायी महासङ्घले जनाएको छ । यसअघि आइतबार ४ सय र सोमबार ३ सयले मूल्य बढेको थियो।
त्यस्तै तेजाबी सुनको मूल्य प्रतितोला ९२ हजार १ सय रुपैयाँ पुगेको छ। चाँदी भने हिजोकै मूल्यमा कारोबार भएको छ। प्रतितोला १ हजार २६५रुपैयाँमा चाँदीको कारोबार भइरहेको महासङ्घले जनाएको छ।