नेपाल पत्रकार महासंघ लुम्बिनी प्रदेश समितिको दोस्रो औपचारिक बैठक राजधानी भालुवाङमा केन्द्रीय उपाध्यक्ष उदय जीएमको प्रमुख आतिथ्यतामा सम्पन्न भएको छ । बैठकका निर्णयका सारांश : १) प्रदेशभित्रका सबै पत्रकारहरूको दुर्घटना बिमा गर्ने । २) पत्रकार कल्याणकारी कोष स्थापना गर्ने । ३) शीत गङ्गा नगरपालिकाबाट प्राप्त करिब ३ रोपनी जग्गामा सुविधा सम्पन्न र भव्य प्रदेश कार्यालय भवन निर्माण गर्ने । अध्यक्ष वसन्त गिरीको संयोजकत्वमा भवन निर्माण समिति गठन । ४) अन्तर्राष्ट्रिय मिडिया सम्मेलन लुम्बिनीमा आयोजना गर्ने । ५) विभिन्न ५ विभागहरू गठन । सङ्गठन विभागको संयोजक महासचिव विक्रम खड्का, प्रकाशन विभाग संयोजक केशरमान बुढाथोकी,अनुशासन विभाग संयोजक शुक्र ऋषि चौलागाईं, महिला विभाग संयोजक चुमा आचार्य, समावेशी विभाग संयोजक शिव सुनार । प्रकाशन विभागले “लुम्बिनीको पत्रकारिता” नामक इतिहास लगायतका पुस्तक प्रकाशन गर्ने । ६) रुकुम पूर्वमा मंसिर मसान्तसम्म महासङ्घको शाखा गठन गर्ने । ७) प्रदेशसभामा पेस भएको सन्चारसम्बन्धी विधेयक तत्काल फिर्ता गरी पुनर्लेखन गर्न प्रदेश सरकारसँग माग । ८) भवन निर्माणका लागि जग्गा उपलब्ध गराउने शीत गङ्गा नगरपालिका र पहल गर्ने महासङ्घको अर्घाखाँची शाखाप्रति धन्यवाद तथा आभार प्रकट । ९) प्रदेश समितिका सदस्य विन्दुकुमार चौहानको निधनप्रति शोक प्रस्ताव पारित । इत्यादि… ।