काठमाडौँ – ‘उडी जाने पन्छी’ बोलको भिडियोको सफलता पश्चात् गायक सुदिप कुमार थकालीले ‘एक बचन बोल्दैमा’को म्युजिक भिडियो सार्वजनिक गरेका छन्।
तामाङ सेलो शैलीमा आधारित यस गीतमा आँसु लामाको शब्द,सङ्गीत रहेको छ भने नोर्बु शेर्पाको सङ्गीत संयोजन रहेको छ। राम केसीले छायाङ्कन गरेको भिडियोलाई टेकेन्द्र शाहले निर्देशन तथा सम्पादन गरेका हुन्। म्युजिक भिडियोमा मोडल द्वय उषा उप्रेती र लोमुस शर्मा बिचको प्रेम र आकर्षणलाई प्रस्तुत गरिएको छ।
यसअघि गायक थकालीले ‘रेलको धुवाँ’, ‘एउटै मुटु’, ‘ॐ शान्ति ॐ’, बोलको म्युजिक भिडियोहरू सार्वजनिक गरिसकेका छन्। निर्माण टिमले यस म्युजिक भिडियोलाई हेरेर प्रतिक्रिया दिन सबै दर्शक श्रोता तथा मिडिया हाउसलाई आग्रह गरेका छन्।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
