यी हुन् खतरनाक महिला जासुस



जासुसहरू अपत्यारिलो हुन्छन् । उनीहरू भेष बदल्ने मात्र नभई आश्चर्यजनक तरिकाले काम गर्छन् । जस्तोसुकै परिस्थितिमा पनि भित्री कुरा बाहिर निकाल्न समक्ष हुन्छन् । जासुसीका बारेमा संसारमा धेरै फिल्महरू पनि बनेका छन् । संसारमा त्यस्ता खतरनाक महिला जासुसहरू पनि रहेका थिए र आज पनि छन्, जसको बारेमा कमैलाई मात्र थाहा छ ।

डबल एजेन्ट ‘माता हारी’
मार्गेका गीरत्रुइदा म्याकलियोडलाई मानिसहरु ‘माता हारी’को नाममा चिन्छन् । माता हारी एक कामुक नृत्याङ्गना थिइन् । जसको प्रथम विश्वयुद्धमा जासुसी गरेको आरोपमा गोली हानी हत्या भयो । सन् १९३१ मा माता हारीको जीवन कहानीमा आधारित हलिउड फिल्म बन्यो । जसमा ग्रेट गुर्बो मुख्य भूमिकामा थिइन् ।

मार्गे थाको जन्मको होल्याण्डमा भएको थियो र विवाह एक फौजी क्याप्टेनसँग भयो । तर, एक खराब सम्बन्धका कारण मार्गे थाले आफ्नो बच्चा समेत गुमाएकी थिइन् ।

सन् १९०५ मा मार्गे थाले आफैँलाई ‘माता हारी’को पहिचान दिइन् । र, इटलीको मिलानस्थित ला स्वकाला र पेरिसको कपेरामा एक कामुक नृत्याङ्गना बनेर स्थापित भएकी थिइन् ।

चर्चा कमाए सकेकी मार्गेका आफ्नो पेसाका कारण जीवन जिउन गाह्रो भएन ।यस कारण जर्मनीले प्रथम विश्वयुद्धको क्रममा माता हारी जर्मनीको जासुस बनिन् ।
माता हारीले कसैले मारिनन् तर उनको जासुसीको कारण लगभग ५० हजार फ्रान्सेली सैनिकको मृत्यु भयो ।

त्यसपछि फ्रान्सलाई उनीमाथि शङ्का लाग्न थाल्यो । सन् १९१७ फेब्रुअरीमा उनलाई पेरिसबाट गिरफ्तारी गरियो र अक्टोबरमा उनलाई गोली हानी मारियो । उनको मृत्युको सय वर्षपछि अपराधबारे बहस सुरु हुन थालेको छ ।

शार्लेट कोर्डी
शार्लेटको पूरा नाम म्यारी एन शार्लेट डी कोर्डी थियो । उनी फ्रान्सको क्रान्तिको हिस्सा बनिन् । फ्रान्सको क्रान्तिमा हिंसा नचाहने शार्लेटले आफ्नो विपक्षी ज्याकोबिन समूहका नेता जीन पोल म्याराटको हत्या गरिदिइन् ।

सन् १७९३ जुलाईमा शार्लेटले म्याराटलाई चक्कु प्रहार गरिन् जब उनी बाथ टबमा नुहाइरहेका थिए । हत्याको आरोपमा उनलाई पक्राउ गर्दा शार्लेटले देशकै निम्ती आफूले त्यस कदम चालेको बताएकी थिइन् ।

उनले दावी गरिन् कि उक्त एक हत्याले हजारौँ मानिसहरूको ज्यान बच्यो । तर, त्यसको चार दिनपछि उनले सजाय पाइन् ।

सि जिआनकिआओ

जासुस आफ्नो उपनाम राख्न मन पराउँछन् । यस तथ्यलाई यथार्थमा बदल्दै सि ले जासुसी संसारमा सि जिआनकिआओ राखिन् ।

जिआनकिआओ आफ्नो पिताको हत्याको बदला लिनकै लागि जासुसी बनिन् । उनको हत्या चीनका नेता सुन चुआंगफांगले सन् १९२५ मा गरेका थिए ।

१० वर्षपछि जिआनकिआओले चुआंगफांगको शिरमा गोली हानिन् जब उनी एक बौद्ध मन्दिरमा पूजा गरिरहेका थिए । यस हत्या गरेपछि भाग्नुको सट्टा उनी घटनास्थलमा रोकिएर आफ्नो अपराध स्वीकारिन् ।सन् १९७९ मा उनको निधन भयो ।

ब्रिगित मोअनहोप्ट
एक समय जर्मनीको सबैभन्दा शक्तिशाली महिला मानिएकी ब्रिगित मोअनहोप्ट रेड आर्मी फंशनकी सदस्य थिइन् । ब्रिगित सन् १९७७ मा जर्मनीको एक आतंकवादी गतिविधिमा संलग्न भइन् ।

७० को दशकमा पश्चिम जर्मनीको एक वाम चरमपन्थी समूहद्वारा एकपछि अर्को हाइज्याक, हत्या र बम धमाका भए । विमान हाइज्याकसँगै लगभग ३० जनाको हत्या उक्त समूहले र्गयो । यस अपराध पश्चिम जर्मनीमा पुँजीवाद सखाप पार्ने नाममा गरिएको थियो ।

सन् १९८२ मा अपराधमा सामेल भएको कारण मोअनहोप्ट समातिइन् । उनलाई पाँच वर्षको जेल सजाय सुनाइयो । यसबाहेक उनलाई अन्य नौ हत्याको मामिलामा १५ वर्ष जेल सजाय दिइयो ।

मोअनहोप्टले कहिल्यै पनि आफ्नो अपराध स्वीकार गरिनन् । सन् २००७ मा उनी जेलबाट बाहिर आइन् । उनी अहिलेसम्म पनि जीवितै छिन् ।-एजेन्सीको सहयोगमा

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्