चितवन । सुख्खा पहिरोले अवरुद्ध नारायणगढ–मुग्लिङ सडक खण्ड झन्डै १० घण्टापछि खुलेको छ। पहिरो पन्छाएपछि शुक्रवार बिहान ११ बजेदेखि दुई तर्फी बाटो खुलेको जिल्ला ट्राफिक प्रहरी कार्यालय चितवनले जनाएको छ ।
इच्छा कामना गाउँपालिका–६ मा पर्ने कालीखोला टोपो खोला नजिक पहिरो खसेर बिहान साढे २ बजेदेखि सडक अवरुद्ध भएको थियो।
लामो समयसम्म गाडी जाम भएकाले अहिले सो सडकखण्डमा सवारी साधनको चाप रहेको जिल्ला ट्राफिक प्रहरी कार्यालय चितवनले जनाएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
