काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की पत्नी सीता दाहाललाई कोरोना सङ्क्रमण पुष्टि भएको छ ।
पारिवारिक स्रोतका अनुसार उनलाई मेडिसिटी अस्पतालको आईसीयूमा भर्ना गरेर उपचार गरिएको छ । दाहाल तीन दिनदेखि अस्पतालमा उपचारत छिन् ।
उपचारका क्रममा उनमा निमोनिया समेत देखिएको छ। केही साताअघि अध्यक्ष प्रचण्डमा पनि कोरोना पुष्टि भएको थियो । प्रचण्ड हाल कोरोनामुक्त भइसकेका छन् ।
सीता दाहाल लामो समयदेखि पार्किन्सन जस्तो देखिने एक जटिल प्रकारको रोगले पीडित छिन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
