काठमाडौं । राष्ट्रियसभाको निर्वाचन सकिएपछि प्रधानमन्त्री शेरबहादुर देउवाले राष्ट्रपति विद्यादेवी भण्डारीलाई भेटेका छन्।
आज अपराह्न ३ बजेदेखि ४ बजेसम्म राष्ट्रपति निवास शितलनिवासमा राष्ट्रपति र प्रधानमन्त्रीबिच भेटवार्ता भएको प्रधानमन्त्री देउवाको सचिवालयले जनाएको छ।
राष्ट्रपति भण्डारी र प्रधानमन्त्री देउवाबिच करिब १ घण्टा कुराकानी भएको जनाइएको छ । प्रधानमन्त्री देउवाका प्रेस संयोजक गोविन्द परियारले राष्ट्रपति र प्रधानमन्त्रीबिचको भेटवार्ता नियमित भएको बताए ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
