सिराहा लहान १५ माघ – सिराहाको लहान नगरपालिकामा ११ स्थित पिडरबोनीमा विभिन्न पार्टी प्रत्याग गरी नेपाली काङ्ग्रेसमा पार्टी प्रवेश गरेका छन्।
नेकपा की नेतृ सीता चौधरी र राष्ट्रिय प्रजातन्त्र पार्टीका नेता लाल बहादुर चौधरीको नेतृत्वमा ५० जना व्यक्तिहरूले विभिन्न पार्टी प्रत्याग गरी नेपाली काङ्ग्रेसमा प्रवेश गरेका छन्।
नव प्रबेशी व्यक्तिहरूलाई काङ्ग्रेस नेता तथा समाजसेवी महेश प्रसाद चौधरीले टिका र खादा लगाएर पार्टीमा स्वागत गरेका थिए। चौधरी हाल नेपाली काङ्ग्रेसका सिराहा निर्वाचन क्षेत्र नम्बर १ का क्षेत्रीय सभापति समेत रहनु भएको छ।
उक्त कार्यक्रम नेपाली काङ्ग्रेसका बुथ सभापति राम चन्द्र साहको अध्यक्षतामा कार्यक्रम सुरु भएको थियो। स्थानीय युवा नेता सूर्य नारायण चौधरीले नव प्रबेशी साथीहरूलाई स्वागत गर्दै मन्तव्य राखेका थिए। काङ्ग्रेस लहान नगरपालिकामा निकै ठुलो पार्टीको रूपमा स्थापित हुने गरेको स्थानीयहरूले बताए।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
