संविधानसभा सदस्य दुमनसिंह थापाको निधन

काठमाडौँ । नेकपा एमालेबाट संविधानसभा सदस्य बनेका डा. दुमनसिंह थापाको निधन भएको छ । उनको आइतबार ६२ वर्षको उमेरमा काठमाडौँको ह्याम्स हस्पिटलमा निधन भएको हो ।

दुई वर्षअगाडि मात्रै मिर्गौला प्रत्यारोपण गरेका थापालाई पछिल्लो समय कोरोना सङ्क्रमण भएको थियो ।

थापा नेकपा एमालेबाट २०७० सालमा अर्घाखाँची क्षेत्र नम्बर २ बाट संविधानसभामा विजयी भएका थिए । एमाले विभाजनपछि उनी नेकपा एकीकृत समाजवादीको केन्द्रीय निर्वाचन आयोगका सदस्य थिए ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।