काठमाडौँ । पछिल्लो २४ घण्टामा १६ हजार ३५६ जनामा परीक्षण गर्दा २ हजार ४०१ जना कोरोना भाइरसका सङ्क्रमित थपिएका छन् ।
११ हजार ६०३ जनामा पीसीआर परीक्षण गरिएकोमा १ हजार ८५१ जनामा र ४ हजार ७५३ जनामा एन्टीजेन परीक्षण गर्दा ५५० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यही अवधिमा थप ७ हजार ७७७ जना सङ्क्रमणमुक्त भएका छन् । यस्तै, कोभिड–१९ को सङ्क्रमणबाट बुधवार थप १४ जनाले ज्यान गुमाएका छन् ।
हालसम्म कोभिड-१९ सङ्क्रमणबाट ज्यान गुमाउनेको सङ्ख्या ११ हजार ८५२ पुगेको छ। यसै गरी हाल देशभर ३० हजार २४१ जना सक्रिय सङ्क्रमितहरू रहेका छन्।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
