काठमाडौं । पछिल्लो २४ घण्टामा ८ हजार ६९६ जनामा परीक्षण गर्दा ७४७ जना कोरोना भाइरसका सङ्क्रमित थपिएका छन् ।
६ हजार २७९ जनामा पीसीआर परीक्षण गरिएकोमा ४८२ जनामा र २ हजार ४१७ जनामा एन्टीजेन परीक्षण गर्दा २६५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै, पछिल्लो २४ घण्टामा कोरोना सङ्क्रमणका कारण ८ जनाले ज्यान गुमाएका छन् । योसँगै नेपालमा हालसम्म कोरोना सङ्क्रमणबाट ज्यान गुमाउनेको सङ्ख्या ११ हजार ९०० पुगेको छ।
यसै गरी आज २ हजार ३१९ जना सङ्क्रमणमुक्त भएका छन् । हाल देशभर कोरोना भाइरसको सक्रिय सङ्क्रमित सङ्ख्या २० हजार ७३९ रहेको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
