काठमाडौं । पूर्व अर्थमन्त्री तथा काँग्रेस नेता डा. रामशरण महतले अमेरिकी सहयोग परियोजना मिलेनियम च्यालेन्ज कर्पाेरेशन (एमसीसी) देशकै हितमा रहेको बताएका छन् ।
मंगलबार नयाँबानेश्वरस्थित संसदमा भवनमा बसेको संसदीय दलको बैठकमा सहभागी भएर बाहिरिने क्रममा सञ्चारकर्मीसँग कुरा गर्दै नेता महतले एमसीसी देशकै हित रहेको बताएका हुन् ।
“एमसिसीका विरुद्ध भ्रम फैलाइएको छ, उनले भने, ‘यो चीनविरुद्ध छैन।’ चीनको बीआरआईविरुद्ध र इन्डोप्यासिफिक रणनीतिअनुसार पनि एमसीसी नरहेको भन्दै नेता महतले एमसीसी नेपालकै हितमा रहेकाले यसलाई पारित गर्नुपर्नेमा जोड दिए ।
महतका अनुसार एमसीसी अनुमोदनका लागि भोलि बुधबार बस्ने प्रतिनिधिसभाको बैठकमा पेस हुने सम्भावना बढी रहेको छ । ‘सम्भवतः भोलि बस्ने संसद् बैठकमा एमसीसी पेस हुने सम्भावना बढी छ’, महतले भने ।
आफ्नो पार्टीका अधिकांश सांसद एमसीसीको पक्षमा रहेको महतको भनाइ छ ।
उनले फागुन १६ गतेभित्र एमसीसी सांसदबाट अनुमोदन नभए देशले ठुलो आर्थिक नोक्सान व्यहोर्ने बताए।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
