काठमाडौं । नेपालमा थप ६३९ जनामा कोरोनाभाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयले बुधबार अपराह्न सार्वजनिक गरेको विवरणअनुसार पछिल्लो २४ घण्टामा नौ हजार ७५६ नमुना परीक्षण गर्दा ६३९ जनामा सङ्क्रमण पुष्टि भएको हो।
यस्तै, पछिल्लो २४ घण्टामा कोरोना सङ्क्रमणका कारण ३ जनाले ज्यान गुमाएका छन् । योसँगै नेपालमा हालसम्म कोरोना सङ्क्रमणबाट ज्यान गुमाउनेको सङ्ख्या ११ हजार ९०५ पुगेको छ।
यसै गरी आज १ हजार ६०० जना सङ्क्रमणमुक्त भएका छन् । हाल देशभर कोरोना भाइरसको सक्रिय सङ्क्रमित सङ्ख्या १८ हजार २५१ रहेको छ ।
यसअघि हिजो मंगलबार ६८० जनामा सङ्क्रमण पुष्टि हुँदा २ जनाको मृत्यु भएको थियो।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
