नारायणगढको यस ज्वेलर्सका सञ्चालक तथा सप्तगण्डकी बहुमुखी क्याम्पसका उपप्राध्यापक यमबहादुर विश्वकर्माले सुनको कारोबारसम्बन्धी विषयमा पिएचडी गरेका छन् ।
भारतको साई नाथ विश्वविद्यालयबाट ‘सुनचाँदीका ग्राहकहरूको क्रय व्यवहार’ सम्बन्धी विषयमा उनले पिएचडी गरेका हुन् । उनी विश्वविद्यालयमा २०१५ मा पिएचडीका लागि भर्ना भएका थिए । गुल्मीको रुरु बलेटक्सारमा २०२६ जन्मिएका विश्वकर्मा अहिले सप्तगण्डकी बहुमुखी क्याम्पसमा व्यवस्थापन संकायका उपप्राध्यापक हुन् । उनले त्रिभुवन विश्वविद्यालयबाट एमबिए उत्तीर्ण गरेपछि चितवनमा प्राध्यापन र सुनचाँदीको व्यवसायमा सक्रिय रहँदै आएका थिए ।
उनले पीएडीको उपाधि लिएपछि आफ्नो जीवनको एउटा महत्त्वपूर्ण सपना पूरा भएको र अब हुने दीक्षान्त समारोहले अझ धेरै खुसी थप्नेछ ।’ उनले सुनचाँदी व्यवसायको बारेमा आफ्नो पिएचडी नेपालकै पहिलो भएको दाबी गरे ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।