राप्ती गाउँपालिकाको वडा नम्बर १ मा एमालेका वडा अध्यक्ष पदका उम्मेदवार खड्का सहित पुरै प्यानल विजय ओमप्रकाश गुप्ता भालुवाङ १ जेठ । दाङको राप्ती गाउँपालिका वडा नम्बर १ मा नेकपा एमालेका वडा अध्यक्ष पदका उम्मेदवार गेमे खड्का सहित पुरै प्यानल विजयी भएको छ। एमालेका वडा अध्यक्ष पदका उम्मेदवार खड्काले ९२५ मत प्राप्त गरी वडा अध्यक्ष पदमा विजयी भएका हुन् । उनका निकटतम प्रतिद्वन्द्वी राष्ट्रिय जनमोर्चाका ठाकुरप्रसाद आचार्यले ७७० मत प्राप्त गरेका छन् ।
१५५ मत अन्तरले खड्का विजय भएका छन् । भने नेपाली काँग्रेसका श्यामलाल पोख्रेलले ६८५ मत प्राप्त गरेका छन् । त्यसै गरी नेकपा एमालेबाट महिला सदस्य पार्वती सुवेदीले १०२८, दलित महिला सदस्य रञ्जना सुनामले ९७५ , आत्म राम पौडेलले ८६८ र चुमानसिंह खत्री क्षेत्रीले ८१९ मत प्राप्त गरी विजय भएका छन् । खसेको कुल २,८२६ मत मध्ये ८० मत बदर र २७४६ मत सदर भएको निर्वाचन अधिकृतको कार्यालयले जानकारी दिएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
