काठमाडौं। अछामको साँफेबगर नगरपालिका-१३ को राष्ट्रिय मावि, बाबलामा आज पुनः मतदान भइरहेको छ। मतदानका क्रममा हालसम्म शान्तिपूर्ण वातावरण कायम रहेको जनाइएको छ। गत वैशाख ३० गतेको मतदानमा हुलदंगा र विवादका कारण त्यहाँ पुनः मतदानको मिति तय गरिएको हो।
वैशाख ३० गते देशभरका स्थानीय तहका मतदान केन्द्रमा निर्वाचन सञ्चालन भएकामा राजनीतिक दल तथा उम्मेदवारबीच विभिन्न कारणले विवाद उत्पन्न भई स्थगित हुन पुगेका अधिकांश केन्द्रमा मतदान सम्पन्न भइसकेको छ।
स्थगन भएका ८५ केन्द्रमध्ये उदयपुर जिल्लाको त्रियुगा नगरपालिका वडा नं १२ र बाजुराको बूढीगंगा नगरपालिकाको मतदानबारे आयोगबाट निर्णय हुन बाँकी छ। बूढीगंगा नगरपालिको मतदानबारे छानबिन गर्न निर्वाचन आयोगले आयुक्त सगुनशम्शेर राणाको नेतृत्वमा गठन गरेको समितिले स्थलगत अध्ययन गरी प्रतिवेदन बुझाइसकेको छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
