सिसहनियाँ । बाख्रा चोरी गरेको आरोपमा दाङको देउखुरीबाट २ जना पक्राउ परेका छन् । शुक्रवार राती करिब १० बजेको समयमा राप्ती गाउँपालिका वडा नम्बर ८ पिपरी निवासी घर भाँडामा बस्ने कल्पना गुरुङको खोरबाट बाख्रा चोरी भएको थियो । चोरले १ वटा बाख्री, १ वटा बोका र १ वटा खसी गरी ३ वटा बाख्रा चोरी गरेको थियो ।
बाख्रा चोरी गरेको आरोपमा इलाका प्रहरी कार्यालय सिसहनियाँले सोही ठाउँका ४२ वर्षीय दलबहादुर चौधरी र ४५ वर्षीय बलिराम चौधरीलाई पक्राउ गरेको छ । पक्राउ मध्य दलबहादुर चौधरीले आफ्नो घरमा लगेर बाख्रा बाँधेको खबर स्थानीयले प्रहरीलाई दिएका थिए ।
स्थानीयको खबर पाएपछि खोजतलास गर्ने क्रममा प्रहरीले शनिवार राप्ती नदी छेउमा हिँडिरहेको अवस्थामा दलबहाद चौधरीलाई पक्राउ गर्न सफल भएको इलाका प्रहरी कार्यालय सिसहनियाँले जानकारी दिएको छ ।
पक्राउ परेका दलबहादुर चौधरीको बयान बलिराम चौधरी पनि पक्राउ परेका हुन् । मदिरा सेवन गरी माते पछि बाख्रा चोरी गर्ने पलान बनाएको उनीहरूले प्रहरी समक्ष बयान दिएका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
