काठमाडौं । बाजुराको बुढीगंगा नगरपालिकाको मत गणना जारी छ ।
पछिल्लो मत परिणाम अनुसार नेकपा एमालेका मेयर पदका उम्मेदवार रामबहादुर बानियाँ दोब्बर मतले अगाडि रहनुभएको छ ।
निर्वाचन अधिकृतको कार्यालयका अनुसार अहिले सम्म एमालेका बानियाँले २ हजार ९२५ मत प्राप्त गर्नुभएको छ । उहाँका निकटतम प्रतिद्वन्द्वी नेपाली काँग्रेसका रङ्गबहादुर खातीले १ हजार ५६९मत प्रापत गर्नुभएको छ ।
यस्तै उपमेयरमा एमालेका मायाकुमारी खड्का कुँवरले २ हजार ८६६ मत पाउनु भएको छ । काँग्रेसका तर्फबाट उपमेयरको उम्मेद्वार रिता शाहीले १ हजार ६२३ हजार मत ल्याउनुभएको छ ।
अहिलेसम्म ४ हजार ७६३ मत गणना भएको छ । हाल सम्म मत गणना सकिएका चार वटा वडा एमालेले जितेको छ । बुढीगंगामा कूल ९ हजार १२८ मत खसेको थियो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
