सिराहा लहान – लहान नगरपालिका वडा नम्बर ३का वडा कार्यालय पुरानो ठाउँबाट नयाँ ठाउँमा व्यवस्थापन गरेका छन्। जनतालाई काम काजमा सहजता प्रदान गर्न वडा अध्यक्ष राम दयाल महतोले पुरानो ठाउँबाट सम्बन्धित ठाउँमा कार्यालय सारिएका छन्। वडा कार्यालयको आफ्नो भवन नहुँदा भाडाको घरमा कार्यालय व्यवस्थापन गरिएका छन्।
लहानका मेयर महेश प्रसाद चौधरीले रिबन काटेर वडा नम्बर ३ को वडा कार्यालय भवनको समुद्घाटन गरेका छन्। मेयर चौधरीले प्रमुख अतिथिको आसनबाट बोल्दै पाँच वर्षको कार्यकालमा नै वडा कार्यालय बनाउने प्रतिबद्धता व्यक्त गर्नु भयो।जनतालाई जिम्मेवार पूर्ण सर्वसुलभ र गुणस्तरीय सेवाका लागी स्थानीय ठाउँमै वडा कार्यालय स्थापना गरिएको मेयर चौधरीले बताए।जनताको भावना अनुरूप काम गर्न अध्यक्ष रामदयाल महतोलाई आग्रह गरेका थिए।
जनताको सहजताको लागी वडामै कार्यालय स्थापना गरिएको अध्यक्ष महतोले बताउनु भयो।हाल कार्यालयको भवन भाडामा सञ्चालनमा रहे पनि कार्यालयको आफ्नो निजी भवनका लागि नगरपालिकाबाट पहल गरिने मेयर महेश चौधरीले प्रतिबद्धता व्यक्त गर्नु भयो।
जनताको अनुरूप वडा मै कार्यालयको सेवा सञ्चालनमा आएपछि स्थानीयबासीहरु खुसी भएको छन्।सेवाग्राहीको लागि समयमै गुणस्तरीय सेवा प्रवाह गरिने अध्यक्ष महतोले प्रतिबद्धता गरेका थिए, वडा कार्यालयका आफ्नो निजी भवन नहुँदा वडा नम्बर -६ बाट सेवा दिँदै आएको आयोजकले जनाए।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
