मन्दिर प्रवेश गरेको निहुँमा दलितमाथि कुटपिट गर्ने त्रिवेणी नगरपालिका वडा नम्बर ७ का वडा अध्यक्षसहित ३ जना जनही १ लाख धरौटीमा रिहा भएका छन् ।
उनीहरूलाई हिजो बाजुरा जिल्ला अदालतका न्यायाधीश ढाकाराम पौडेलको इजलासले जनही १ लाख धरौटीमा रिहा गरेको हो ।
पीडित सुनार को पक्षबाट सरकारी वकिलले बहस गरेका थिए भने पिडकको पक्षबाट वकिल कविराज पण्डित, तुला रम जैसी , हर्क खडायतले बहस गरेका थिए ।
यसरी एउटा दलित समुदायका व्यक्तिमाथि सार्वजनिक पद धारण गरेका वडा अध्यक्षबाटै मन्दिर प्रवेश गरेको निहुँमा कुटपिट हुँदा पनि उनीहरूलाई धरौटीमा रिहा गरिएपछि दलित समुदाय आक्रान्त बनेको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
