चितवन। नेकपा माओवादी केन्द्रका अध्यक्ष पुष्पकमल दाहाल प्रचण्डले यो चुनावमा गोरखा गए पनि आफू चितवनकै भएको बताएका छन्। सत्तारुढ गठबन्धनले शनिबार भरतपुरमा आयोजना गरेको आमसभामा बोल्दै अध्यक्ष प्रचण्डले चितवनमा सुरु भएका विकास योजना पूरा गर्ने प्रतिवद्धता जनाए।
प्रचण्डले भने,‘मेरो घर चितवनमै छ,यहाँको विकासमा मेरो सधै चासो रहनेछ।’ चितवनमा पूर्वाधारका क्षेत्रमा सुरु भएका विकासका कामलाई पूर्णता दिन निरन्तर लागिरहने उनले बताए।
प्रचण्डले गोरखा जानुपर्ने बाध्यता बुझिदिन उनले सबै चितवनबासीलाई आग्रह गरे। प्रचण्डले २०७४ सालको निर्वाचनमा निर्वाचित गराउने चितवन ३ का मतदातालाई धन्यवाद ज्ञापन गरे।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
