कृष्णनगर । नेपाल सरकारले विद्यालय शिक्षा विधेयक संसदकाे सचिवालयमा दर्ता गराएपछि नेपाल शिक्षक महासङ्घले आफ्नो माग राख्दै देशभरका शिक्षक र कर्मचारीहरू काठमाडौं केन्द्रित विधेयकको विरुद्धमा आन्दोलन सुरु गरेका छन् ।
काठमाडौं जान नसकेका शिक्षक र कर्मचारीहरूले आफ्नो माग राख्दै स्थानीय तहमा आन्दोलन सुरु गरेका छन् । त्यही क्रममा कृष्णनगर नगरपालिकाको बहादुरगंज र कृष्णनगर नगरपालिकाको अगाडि पालिकाका सम्पूर्ण शिक्षक र कर्मचारीहरूले आफ्नो माग राख्दै विद्यालय शिक्षा विधेयक जलाएर विरोध गरेका छन् ।
विरोध कार्यक्रममा शिक्षक र कर्मचारीहरूले शिक्षकको अधिकार सुनिश्चित गर , शिक्षक एकता जिन्दाबाद , हाम्रो मान स्वाभाविक हामीलाई प्यारो छ , शिक्षा माफिया मुर्दावाद , शिक्षक प्रति विभेद अन्त्य गर , शिक्षकको पेसागत अधिकार सुनिश्चित गर र शिक्षक ज्ञानको ज्योति हो , ज्ञान वाड्ने मोती हो भन्ने लगायतका नारा लगाएका थिए ।
उक्त कार्यक्रम शिक्षक महासङ्घको संयोजक र कृष्णनगर नगरपालिका भित्रका सम्पूर्ण शिक्षक र कर्मचारीहरूको आयोजक भएको हो ।
शिक्षक र कर्मचारीको माग पूरा नभए सम्मा आन्दोलन चालू रहने र विद्यालय पनि बन्द रहनेछ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
