नेपाली खेलाडी लाई भव्य स्वागत



सैघाली खबर
काठमाण्डौ , ५ चैत । जिम्बाम्बेमा आइसिसि विश्वकप छनोट खेलेर एक दिवसीय मान्यता पाएर फर्किएको नेपाली टोली त्रिभुवन विमानस्थलमा भव्य स्वागत गरिएको छ ।

 

नेपाललाई अन्तराष्ट्रिय एक दिवसीय मान्यता दिलाएर घर फर्केका नेपाली क्रिकेट टोलीलाई त्रिभुवन अन्तराष्ट्रिय विमानस्थलमा भव्य स्वागत गरीएको छ ।

जिम्बाबेमा सम्पन्न आईसीसी विश्वकप छनौट खेलमा एक दिवसीय मान्यता पाएर फर्केको टोलीलाई विमानस्थलमा स्वागत गरीएको हो । क्रिकेट टोलीलाई युवा तथा खेलकुदमन्त्री जगतबहादुर विश्वकर्मा तथा राष्ट्रिय खेलकुद परीषदका सदस्य सचिव केशवकुमार विष्टले स्वागत गरेका हुन्।

खेलाडीलाई स्वागत गर्न सयौँ समर्थकहरु विमानस्थल पुगेका थिए। उनीहरुले क्रिकेट टिमको प्रसंसा गर्दै नाराबाजी समेत गरे। आईसीसी छनोटको समूह चरणमा हङकङलाई पराजित गरेको नेपालले प्ले अफमा पपुवा न्युगिनीलाई पराजित गर्दै एकदिवसीय मान्यता पाएको थियो।

अन्तराष्ट्रिय क्रिकेट खेल्न थालेको २२ वर्षपछि क्रिकेटले हात पारेको यो सबैभन्दा ठूलो सफलता हो। टोली जिम्माबेको हरारेबाट युएई हुँदै काठमाडौ आएको हो ।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्