७असार , दाङ । तेस्रो अन्तराष्ट्रिय योग दिवस विविध कार्यक्रम गरी दाङमा पनि बुधबार मनाईएको छ । 
संयुक्त राष्ट्रसंघको आव्हानमा प्रत्येक बर्षको जुन २१ मा अन्तराष्ट्रिय योग दिवस मनाउन थालिएको हो । योग गरौँ निरोगी बनौँ भन्ने नाराका साथ नेपालमा पनि आज बिशेष कार्यक्रमको आयोजना गरिएको छ ।
योग दिवसकै अबसरमा पतन्जली योग समिति दाङको आयोजनामा बुधबार घोराहीमा विभिन्न कार्यक्रम गरिएको छ । विहान योग साधना, प्रभातफेरी, जलपान तथा अन्तरक्रिया र सम्मान कार्यक्रम गरिएको छ ।
कार्यक्रममा बोल्ने बक्ताहरुले योगबाट मानसिक शान्तिका साथै रोग प्रतिरोध क्षमताको समेत वृद्धि हुनेमा जोड दिएका छन् । योग दिवसका अबसरमा प्रधानमन्त्री सेरबहादुर देउवाले विद्यालयस्तरदेखि नै योग शिक्षा र अभ्यास गराउनुपर्नेमा जोड दिएका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
