सैघाली खबर
काठमाडौं,१० बैशाख
शिक्षामन्त्री गिरिराजमणि पोखरेलले नेपाल सरकारले शिक्षाको क्षेत्रमा राम्रोसँग काम गर्न नसकेको स्वीकार गर्नुभएको छ । आज राजधानीमा आयोजित एक कार्यक्रममा मन्त्री पोखरेलले नेपालको पठन–पाठन संस्कृतिलाई पनि विकसित प्रविधिसँग जोड्न आवश्यक रहेको बताउदै यस्तो स्विकार गर्नुभएको हो ।
उहाँले आफू सरकारमा रहँदा नै पुस्तक र पुस्तकालयसम्बन्धी नीति बनाउने प्रतिबद्धता व्यक्त गर्नुभयो । नेपाली शिक्षा क्षेत्रका समस्या सम्बोधन गर्ने कुनै निकाय नभएकाले शिक्षासँग सम्बन्धित परिषद बनाउने योजना पनि उहाँले सुनाउनुभयो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
