मृगौला पीडितका लागि २८ हजार सहयोग संकलन

सैघाली खबर दाङ,१२ बैशाख

तुलसीपुर १९ बिजौरीका मृगौला पीडित श्रीराम चौधरीको उपचारका लागि २८ हजार सहयोग संकलन भएको छ । बिष्णु चौधरीको पहलमा तुलसीपुर १८ बिजौरीमा रहेको श्री असहाय बाल बिकास नेपाल दाङले चौाधरीको उपचारमा सहयोग होस भनी सहयोग संकलन थालेको हो । बुधबार मात्रै २८ हजार १० रुपैयाँ सहयोग संकलन भएको असहाय बाल बिकास नेपाल दाङका कोषाध्यक्ष सीमा वलीले जानकारी दिईन् ।

उनका अनुसार रोट्रयाक्ट क्लब तुलसीपुरले पाँच हजार, तुलसीपुर उद्योग बाणिज्य संघका पूर्बअध्यक्ष बिमल रिजालले पाँच हजार,तुलसीपुर निबासी रोशन श्रेष्ठ र राजिब श्रेष्ठले पाँच हजार, कबिन रजौरे र सुगम बुढाथोकीले पाँच हजार पाँच, पब्लिक ज्ञान ज्योती तुलसीपुरका प्रिन्सीपल सुरेन्द्र जिसीले तीन हजार, तुलसीपुरका ब्यबसायी गोरख वलीले दुई हजार, रामलाल चौधरी र पर्सुराम चौधरीले एक÷एक हजार, तुलसीपुरको डाँगी स्टेशनरीले एक हजार पाँच रकम मृगौला पीडितका लागि सहयोग गरेका छन् ।

सहयोग संकलन हुने क्रम जारी रहेको कोषाध्यक्ष वलीले बताईन् । आर्थिक अभाबकै कारण उपचार रोकिएपछि सहयोग संकलन गर्न थालिएको हो । पैसा कमाउन भनी २ बर्ष अघि साउदी गएका चौधरीको दुईवटै मृगौलाले काम गर्न छोडेपछि घर फर्किएका थिए । अहिले घर परिवारलाई बिदेश जान लागेको ऋणसंगै उनको उपचारमा लागेको रकम तिर्न धौधौ परेको उनकी श्रीमती गीता चौधरीले बताईन् ।

उनको उपचारमा सहयोगका लागि लागि श्री असहाय बाल बिकास नेपाल दाङको राष्ट्रिय बाणिज्य बैंकमा रहेको खाता नंबर ४१६०००३६७९०१ मा आर्थिक सहयोग गर्न सकिने छ । साथै संस्थाका कोषाध्यक्ष सीमा वलीको फोन नंबर ९८०९५८८५७१ सकिने छ । आर्थिक अभाबमा मृगौला पीडित श्रीराम चौधरीको उपचार अगाडि बढ्न नसकेको भन्दै सहयोग संकलन अभियान थालेको अध्यक्ष बिष्णु चौधरीले बताए ।