चौतारीले एक दिने अदालती रिपोर्टिङ तालिम सञ्चालन गर्ने

सैघाली खबर दाङ,१३ बैशाख

प्रेस चौतारी नेपाल दाङ शाखाले एक दिने अदालती रिपोर्टिङ सम्बन्धी पत्रकारिता तालिम सञ्चालन गर्ने भएको छ । दाङ देउखुरी जिल्ला अदालत र जिल्ला न्यायधीबक्ताको कार्यालयको सहयोगमा एक दिने तालिम सञ्चालन गर्ने निर्णय भएको हो ।

प्रेस चौतारी नेपाल दाङ शाखाका अध्यक्ष जेएन सागरको अध्यक्षता तथा प्रेस चौतारी नेपालका उपाध्यक्ष सविन प्रियासनको प्रमुख आतिथ्यता एवं प्रचार विभाग प्रमुख शरद अधिकारीको विशिष्ट आतिथ्यतामा बैठक सम्पन्न भएको हो ।

बैठकले टीका बस्नेत, दुर्गालाल केसी, संगीत बस्याल, राधा पौडेल, प्रबल रेग्मी र रञ्जिता शर्मालाई सल्लाहकारमा चयन गरेको छ । यस्तै किरण गौतमलाई घोराही, ओपेन्द्र बस्नेतलाई तुलसीपुर, शिबु खनाल लमहीको संयोजक तोकीएको छ । जिल्लाका सबै स्थानीय तहमा चौतारीलाई क्रियासिल बनाउनका लागि संयोजक तोकीएको हो ।

यस्तै बालकृष्ण पाण्डेलाई बबई, दिप्तीशिखा चौधरीलाई दंगीशरण, माधव कडेललाई शान्तिनगर, मञ्जु रोका मगरलाई राजपुर, भानु जोशीलाई राप्ती, पुरन चौधरीलाई गढवा र शिब घर्ती मगरलाई बंगलाचुलीको संयोजक तोकीएको छ । यस्तै अध्यक्ष जेएन सागर अध्यक्ष रहेको सात सदस्यीय सचिबालय गठन गरिएको छ । यस्तै बैठकले प्रेस चौतारी र प्रेस सेन्टरबीत विगतदेखि भइरहेको सहकार्यलाई निरन्तरता दिने निर्णय गरेको सचिव प्रेमबहादुर राम्जाले जानकारी दिनुभएको छ ।