सैघाली खबर
दाङ, १४ बैशाख
स्वच्छ नेपालको आयोजना तथा घोराही उप महानगरपालिका वडा नं १५ को सहयोगमा फोहोर व्यवस्थापन तथा सरसफाइ सम्वन्धी अभिमुखीकरण कार्यक्रम सुरु गरीएको छ ।अभिमुखीकरण कार्यक्रम दुइ दिन सम्म सञ्चालन हुने भएको छ । कार्यक्रममा वडा नं १५ मा रहेका विभिन्न टोल विकास संस्थाका प्रमुख तथा प्रनिनिधिहरुको सहभागिता रहेको छ ।
उद्घाटन कार्यक्रममा वोल्दै वडा नं १५ का अध्यक्ष रमेशकुमार पाण्डेले सरसफाइ अभियान अभियानमा सवैको सहयोग हुनु पर्ने बताए । सरसफाइको अभियान व्यक्ति व्यक्तिवाट सुरु गरीनु पर्ने उनको भनाइ रहेको छ । फोहोर व्यवस्थापनमा सानो काम गर्न सकेमा पनि स्वस्थ नगरपालिका निर्माण गर्न सकिने उनको भनाइ रहेको छ ।
सरसफाइलाई व्यक्तिको पहिचानसंग जोडेर अगाडि वढाउनु पर्ने पाण्डेले बताए । वडा नं १४ का अध्यक्ष तथा उप महानगरपालिका वातावरण तथा विपद् व्यवस्थापनका संयोजक शक्तिराम डाँगीले खुल्ला दिशा मुक्त अभियान जस्तै पुर्ण सरसफाईको अभियानलाई पनि अगाडि लैजानु पर्ने बताए । यसका लागि उप महानगरपालिकाले योजना निर्माण गरेर अगाडि वढने बताए । घोराही खानेपानी उपभोक्ता संस्थाका सदस्य धर्मेन्द्र श्रेष्ठले सरसफाइ अभियानलाइ सवैको सहकार्यवाट अगाडि वढाएमा सफल वनाउन सकिने बताए । कार्यक्रम स्वच्छ नेपालका अध्यक्ष शुसिला पौडेलको अध्यक्षतामा भएको थियो ।
वडा सदस्य कृष्णा रानाको स्वागत मन्तव्यवाट सुरु भएको कार्यक्रमको सहजिकरण स्वच्छ नेपालका सचिव विन्दु कुवरले गरेकी थिइन । अभिमुखीकरणको सहजिकर्ता घोराही उप महानगरपालिकाका वातावरण शाखा अधिकृत सुवोध रेग्मी र मानव कल्याण तथा वातावरण संरक्षण केन्द्रका संस्थापक अध्यक्ष श्रीमन न्यौपानेले रहेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।